Асылжан Абдулла - Бесинши мезгилим

Майда самал желмен жеткен,
Сенбе екен деп келген көктем
Сені іздедім жер мен көктен
Гүл алып…
Жаздың жайлы тұнық күнің,
Күздің қоңыр суық түнің,
Сен екен деп, күліп тұрдым
Қуанып…

Сені ойлап, жүрегім, жүрегім, жүрегім,
Қатты бұлқынбай ма?
Білетін мендегі жүректің тілегің,
Тәтті күлкің қайда?

Қыстың ұлпа ақ қарына,
Ақ ұлпаның мақпалына,
Ең бақытты шақтарыма
Теңедім…
Ал сен бақыт сездірмейсің,
Төрт мезгілді көзге ілмейсің,
Сен бесінші мезгілдейсің
Себебі…

Сені ойлап, жүрегім, жүрегім, жүрегім,
Қатты бұлқынбай ма?
Білетін мендегі жүректің тілегің,
Тәтті күлкің қайда?